張學友演唱會｜尾場自嘲坐唔定誓不言休 揭一原因患「遞咪恐懼症」
星島頭條 11:15 2024-01-14

張學友演唱會有幾精彩？

張學友表現非常鬼馬，在女舞蹈員做出舉腳動作時即掩眼扮不敢看，而眼見女舞蹈員拔刀後又嚇到跪地。+46
演唱會以歌劇形式進行，張學友甫開場即一輪勁歌熱舞帶起全場氣氛，之後除了唱出多首經典歌曲如《等你等到我心痛》、《我應該》及《情書》等外，他亦表現非常鬼馬，在女舞蹈員做出舉腳動作時即掩眼扮不敢看，而眼見女舞蹈員拔刀後又嚇到跪地。當張學友唱出《我真的受傷了》中的歌詞「是你變了，是你變了」後，有男歌迷突然大叫「沒有變」，惹來全場大笑。

張學友曾憂體力不足開24場

唱完該曲後，張學友先跟現場觀眾打招呼，他表示開這個演唱會初期也曾懷疑自己已「60+」，在體力和精神上是否能支持，但現在已第24場，證明自己是可以：「好開心，尤其係紅館，對我嚟講有好多記憶嘅地方，我1987年開第一個演唱會係呢度，中間有兩個唔喺紅館做就似冇做過。」張學友又感激所有入場支持的歌迷，令他成為好幸運及幸福的歌手。

張學友自嘲60+唔通賣樣？

之後他笑言曾想過60歲時點算，於是到處打探，但朋友都指是要退休，拿樂悠卡用2元坐車到處遊覽，但他笑指自己只能坐兩日，因日日坐會嘔，又指之後再問前輩，對方叫他做自己喜歡做的事：「醒晒！我39年前已經做緊，原來我退休39年，咁亦代表我唔使退休，唱歌係自己最喜歡的事，本人亦冇打算退休。」張學友又謂唱歌需要練歌和體力，更即席擘一字馬來證明自己唱得之餘體力亦可。在演唱自己寫的作品前，張學友笑說：「唔通呢啲年齡賣樣？要有啲才華，大家未聽過就因為係我寫。」之後他唱出《又十年》，熒幕播放他從小孩演變到老年的樣貌，唱完《想劈酒》後，張學友亦不忘提醒大家說：「呢首歌，我寫嘅！」

張學友聞安哥十首：冇嘢呀嘛？！

到Encore環節，張學友唱完《她來聽我的演唱會》，他表示很多謝大家在自己遞咪出去時也有一起唱，又指自己很少遞咪的原因是好驚，因看到台下的人就似參加歌唱比賽的評判：「唱呢度唔得啊，中年好聲音吓！養成咗我唔遞咪習慣，其實我係可以，只要大家肯唱。」之後張學友便與全場歌迷合唱《你的名字我的姓氏》、《每天愛你多一些》及《還是覺得你最好》，他又笑指今日星期六可玩夜少少，不過當台下有人叫唱多10首後，他即說：「10首？你冇嘢呀嘛？！」而他亦因將到農曆新年，所以在唱出《祝福》前也先祝大家身體健康，順順利利及步步高陞等，最後以Rock版《吻別》為今次香港站劃上句號。