鍾鎮濤爆朋友聚會玩搶咪 張學友最勁
2018年12月3日星期一

【明報專訊】鍾鎮濤（阿B）昨日到屯門出席新碟簽唱會，阿B自覺現在狀態比以前更弗，「我的唱歌方法不同了，好多人說以前的歌手比較好，其實自己好過以前，坦白講5、6年前我對自己好無信心，當時好易沙聲，後來我花了兩年時間去保養和練歌，大家聽這張碟和上一張HiFi碟，就會聽到我唱法有分別」。

演唱會上阿B翻唱梁朝偉原唱的《你是如此難以忘記》，被偉仔取笑他「踢館」，他笑說：「我點敢踢他館，他就真是踩場，踩上我個紅館騷，不唱不唱，劉嘉玲推推下，他才唱兩、三句，平時我們私下聚會，會玩搶咪，他玩的時候自然會唱，但搶咪不夠張學友來。」問他可會考慮邀偉仔錄首合唱版？他說：「無想過，朋友還朋友，他拍戲我們都會支持。」

阿B透露與217群組的梁朝偉、梁家輝、張學友和劉嘉玲等聖誕節各有各忙，但會提早約會開派對：「我們未必會搞主題派對，扮鬼扮馬好攰，平時收錢才會這樣做，不過我們有幾套制服，好隨意、無壓力，鍾意著就著。」

記者：鍾一虹

▲張學友演唱會上頒獎給鍾鎮濤時，他笑稱：「唔知佢哋會咁大膽揀咗你哋。」