【低壓槽】張家輝再邀大佬撐首映　張學友︰而家叫佢細佬都驚驚地
香港01 2018-05-03 11:34 撰文：許育民

張家輝第三度執導作品《低壓槽》，昨晚舉行首映，首映除有一眾參與演出的演員出席，如張可頤、苗僑偉、張繼聰、林雪、元華、伍允龍等，仲有神秘嘉賓「大佬」張學友。

家輝與學友一直以兄弟相稱，不過學友在訪問期間，笑言家輝做了幾部戲導演之後，講句說話都嚴肅點，認真點，現在叫他細佬都驚驚地。

學友特意改機票，遲一日起行來出席首映，相當俾面。（梁碧玲攝）

為支持細佬的作品出席首映，學友特意改機票延遲一日，才起程去江西進行個唱巡迴。事實上學友原來早就率先欣賞過《低壓槽》，問其觀後感︰「比起我上次有份參與的《陀地驅魔人》進步好多，無論鏡頭運用、風格上都比上次成熟，當中的打鬥場面更加是幾有趣。」

兩兄弟一出場，便針鋒相對非常搞笑。（梁碧玲攝）

被學友大讚後，家輝也順勢多謝投資老闆給予他空間去發揮，「讓我可以好任性同實驗性地去嘗試自己想試的。」聽到這裡，學友便笑指他做過導演後，講句說話都不同層次。「而家叫佢細佬都驚驚地。」家輝便大派定心丸︰「唔使驚喎細佬。」問到二人可有機會在銀幕上再合作，家輝便投訴學友不停開巡迴冇時間。

家輝都想再有機會跟學友合作電影，但對方經常巡迴冇時間。（梁碧玲攝）

學友早知他是渣渣輝

至於近日張家輝因國語不濟已被網民改名做「渣渣輝」，學友都有所聞，家輝又自爆學友很多年前已笑他國語差，只是未為他起花名。張家輝︰「其實我又不介意這個花名，我不會主動這樣叫自己，但又不介意你這樣叫我，沒有惡意的。」記者問到可有想過學好一口流利國語，家輝就以自己性格反叛和忠於自己來回應，亦只有做大佬的學友最知他心意︰「即係唔學啦！」