【兩個契仔】張家輝現身獻唱 張學友開住騷都賀修哥
時間 (HKT): 0210 21:32

胡楓今晚喺紅館舉行演唱會，唱完之後《往事只能回味》，修哥就同大家講下嘢，突然張家輝就出場，家輝仲問修哥有冇驚喜，修哥就話：「好驚喜，你係我嘅救兵。」家輝又讚修哥好靚仔，修哥話：「靚仔！但唔夠氣呢。」

家輝話今晚就帶咗一份禮物畀修哥，呢個時候大螢幕就出現咗張學友，身處新加坡做緊演唱會嘅學友都同修哥玩視像交流遠距離談心，學友就話：「好多人話學友成日破紀錄，但就一個紀錄我要等多30年先可以破到，就係好似修哥咁，86歲嘅紅館開演唱會。」

修哥之後又話送首歌畀家輝同學友，呢個時候家輝即刻話：「唔好，緊係我哋兩個送首歌畀你。」學友就話：「我喺138場演唱會入面第一次唱嘅歌，依家就送畀新加坡同入場睇修哥嘅觀眾。」之後唱出《還是覺得你最好》，修哥都跟住一齊唱。

學友唱完歌之後，修哥就叫學友唔好走住，叫佢聽下呢邊嘅掌聲嘅，學友就話：「你件衫係抄我嘅衫嘅，係咪？」修哥即話：「係啊，不過你件衫就50磅，我嗰件就20磅，呢件衫係你個服裝設計陳華國幫我做。」之後學友就離開螢幕，家輝就話都要唱返首歌，就唱咗《假如真的再有約會》。

此新聞影片: http://www.jackyclub.com/thread-17094-1-1.html

家輝話今晚就帶咗一份禮物畀修哥，呢個時候大螢幕就出現咗張學友。