林嘉欣串學友唔太靚仔
2016年03月23日 (09:05 AM)
巴士的報

張學友與林嘉欣昨晚出席新片《暗色天堂》首映禮，兩人除了交流湊女心得外，嘉欣更笑指對方「有魅力，但又唔太靚仔」，學友則笑指自己的「靚仔包袱」好重。

拍戲空檔時，二人會不時交流湊女心得，學友透露嘉欣曾讀育兒課程，覺得要尊重女兒，所以學習如何教育，事後覺得好有用。被問到大女被影到與男生去夜蒲，學友解釋女兒只是跟同學仔去街，暫時仍未帶過男朋友給他過目，亦不怕她結識男友。

學友受訪時指好少叫太太和女兒捧場睇首映，又拒絕事後再睇，因為劇情需要解釋，學友又趁機慨歎長女大個女，好少問她東西，反而細女就經常問他無謂的事情。

嘉欣自爆是自己提議找學友參演，因覺得對方與角色相似：「有魅力，但又唔太靚仔，經歷過事業高峰但又有低潮。」學友聞言即謂指除了「唔太靚仔」其他都明白，嘉欣即解釋說太靚仔演出會有包袱，學友笑謂：「我個人認為呢個包袱好重。」

被問到嘉欣與老公袁劍偉合作的感覺時，學友即搶答道：「簡直係『正』同開心啦！」嘉欣就指她的老公十分嚴謹，但不會罵她。

此新聞影片 :  http://www.jackyclub.com/thread-16458-1-1.html