學友打得少 家輝：佢太嬉戲
東方日報 4月10日 (五)

學友（左）與家輝互窒，十分搞笑。

張學友近日與「細佬」張家輝攜手合作電影《赤道》，內裏不乏打鬥戲份，學友笑言：「打鬥戲按年齡層分配，愈後生打得愈多，我算係打得最少嘅一個！」家輝則指被導演大整蠱：「起初話冇幾多動作戲嚟游說我，到正式埋位先知被出賣。」

首度合作，學友大讚家輝表現認真，影帝並非浪得虛名，家輝卻說：「我覺得佢好嬉戲喎！有時佢唸完一句對白唔滿意，就會唱兩嘴歌先。」問學友是否家輝太認真，令他要求亦提高？學友說：「係因為佢太用力，所以我輕鬆啲啫！」家輝聞言反唇相稽：「佢用力喺第二度啫，成日幫新導演，人哋唔夠錢就畀錢人拍，成日咁好麻煩o架。」學友即反擊說：「唔係點有人搵我拍戲。」因片中有韓籍演員池珍熙及崔始源，他倆指彼此言語不通，要以身體語言溝通。

觀看影片請至：http://www.jackyclub.com/thread-16148-1-1.html