又被問同張家輝係咪兄弟？
張學友答案 引全場爆笑
蘋果日報 建立時間: 0309 17:05

由《寒戰》導演組合梁樂民、陸劍青執導嘅新片《赤道》，演員陣容亦相當豪華，好似有張學友、張家輝、余文樂、王學圻、文詠珊、池珍熙、崔始及張震等主演。

今日一班演員喺北京四季酒店舉行發佈會，不過張家輝及張震因故缺席，焦點就落喺近年少接電影嘅歌神張學友身上，學友喺台上不斷發放笑彈話:「我今天代表張家輝及張震而來，他們以為派一個姓張來就可以。」司儀問學友，囡囡鍾意戲中邊位演員?學友笑言:「我，因為我不讓她知道其他演員，她沒有選擇。」

之前無端端傳出學友同張家輝係親兄弟，學友今日就話:「我爸爸已經過世，沒辦法証實，如果他早說我可以問一下。」引起台下全場爆笑。佢又笑言係佢禁止家輝出現，唔想俾佢搶風頭。同場嘅崔始源被讚係長腿花美男，令佢尷尬無厘頭用普通話話：「恭喜發財，我喜歡你，謝謝！」  

觀看影片請至：http://www.jackyclub.com/thread-16106-1-1.html

張學友同張家輝之前無啦啦傳出係親兄弟。


學友今日出席新片發佈會，發放笑彈。