張學友自認宅男少拜年
太陽報太陽報 –2月22日

學友坦言每年都會預十萬元來封利是，認真大手筆！

【太陽報專訊】今個新年有假放的「歌神」張學友坦言可以陪伴家人，提到家鄉天津的新年習俗，他表示大年初一必定向媽媽及長輩跪低叩頭祝賀：「好細個已經咁做，依家我個女都會同我媽媽同埋我爸爸張相叩頭。」他坦言十多歲時曾對這個習俗感到懷疑，因為除了長輩，還要向已婚的堂兄叩頭：「嗰下都幾難，嗰時會有啲抗拒，不過經過咁多年，發覺呢個習俗係一件好事，等個人唔會咁驕傲，識得長幼尊卑，有深層意義，大個咗就識得欣賞呢啲習俗。」每年學友都會預十萬元利是，如果開騷則多預幾萬。問到可會到圈中老友家團拜，學友自嘲是「宅男」，很少參與：「我都宅宅哋，以前多數唔喺香港，但近年覺得新年留港都幾得意，氣氛好唔同，仲可以畀兩個女習慣吓香港啲新年習俗。」