學友做阿倫嘉賓抓飛睇
太陽報 – 2月18日

妙語如珠的阿倫甫見學友即興奮得攬到實，更大爆學友是第一位報名的嘉賓。

【太陽報專訊】譚詠麟及張學友兩位神級歌手同台表演，不僅一票難求，門票更被炒貴幾倍！學友為母親及妹妹撲飛，自爆答應當阿倫嘉賓才換得幾張門票，大叫慘情的學友更不停搞Gag，大放笑彈！

樂壇校長譚詠麟一連13場的《銀河歲月40載演唱會》進行得如火如荼，繼陳奕迅及李克勤後，前晚第4場校長邀得相識多年的「歌神」張學友做嘉賓，校長踢爆學友是第一位報名的嘉賓：「所以今晚呢場門票，因為學友炒高了幾倍。」學友反指因阿倫個唱一票難求，他要做嘉賓才撲到幾張門票：「我阿媽、妹妹要我幫手撲6張校長演唱會飛，點知我託晒關係問晒所有人都話冇計，後來要同阿倫話嚟做嘉賓，咁先呃到4張飛，幾慘呀！」

「歌神」搞爛Gag

阿倫笑言學友真會開玩笑，學友卻說：「唔係講笑，全部事實！」阿倫聽後忍笑，學友再笑說：「除咗話你叫我做嘉賓用4張飛換，其他真係全部事實！」校長又指得悉學友花七年時間籌備新國語碟，大讚他是精益求精的歌手，學友卻搞Gag：「其實都係講吓啫！」

新碟有英國味

校長追問學友為何到英國錄製國語碟，學友說：「因為想隻碟有一啲英國味。」阿倫笑問：「乜依家啲英國人開始講國語咩？」學友說：「咁音樂又無分語言嘅，我又真係未見過結他講國語喎！」當晚他們合唱一曲《誰可改變》，阿倫每晚亦會為嘉賓挑選一首自己的歌曲，學友卻獲豁免，親自挑選較熟悉的阿倫經典歌《霧之戀》。

觀看影片請至：http://www.jackyclub.com/thread-16088-1-1.html