發表者： 雙魚座 於 2006-08-15 08:51:00 (275 人閱讀過)

            學友有女萬事足唔追多個仔
(東方) 08月 15日 星期二 03:00AM

【東方日報專訊】張學友昨日飛上海大談湊女經，一臉慈父相，又提到雖然被三個女人管住，依然感覺幸福，更為怕分薄照顧乖女，寧願放棄追多個仔，簡直女兒大過天。

學友昨日以代言人身份出席「惠氏在華20周年慶典」，名副其實搵奶粉錢，還大談湊女趣事：「我屋企畀三個女人管住，細女見到電話就爭住，雖然佢唔識聽；大女就每事問，仲好detail，成日問我：『今日出街呀？去幾耐？四個鐘即係幾耐？』」

唔想囡囡入娛圈

問到會否讓女兒拍廣告？他說：「我希望小朋友有正常生活，唔好入娛樂圈，不過父母只可以照顧仔女，唔可以控制佢，最欣慰係囡囡健康成長，冇其他要求。（會唔會追多個？）可能性低，怕唔夠時間照顧，唔想成日忽略佢。（囡囡做錯事會唔會打？）唔會好似阿媽一巴星咁打我，只係打手板，罰兩星期冇糖食。」

有大陸記者問學友對王菲(新聞 - 網站 - 圖片)女兒有兔唇的看法，他嚴肅說：「做父母當然好難過，想一自己就知，希望傳媒畀多空間佢。」