發表者： peige 於 2004-12-14 09:10:23 (209 人閱讀過)

            學友多心　國產阿雪三揀一
12月 14日 星期二 03:00 更新

【東方日報專訊】投資超過一億元的張學友音樂劇《雪狼湖》（國語版）將於平安夜在北京首演，然後在內地巡迴演出，四月才於香港登場。昨日學友率領陳潔儀、五十位內地演員在深圳綵排，正式公布陳潔儀飾演「玉鳳」，不過女主角「寧靜雪」誰屬卻仍未落實。



不考慮香港演員

昨日記者到深圳探班，對於女主角「寧靜雪」的人選，曾先後傳出過孫燕姿、莫文蔚和許慧欣，對此學友說：「孫燕姿同莫文蔚都冇接觸過，而許慧欣有排練過，佢有興趣做，但佢中文唔好，如果將來時間可以配合，都會搵佢做。」由於是國語版《雪狼湖》，學友沒考慮找香港女藝人飾演「寧靜雪」，他說：「一直有三個內地女演員排練緊『阿雪』角色，有個唱得好，有個跳得好，有個做得好，會睇最後邊個表演最成熟，就由邊個做，可能唔同地方有唔同人選，我唔想畀佢太大壓力，亦唔想女主角變焦點。」

至於為何不用知名度較高的陳潔儀？學友解釋：「佢冇講過要做『阿雪』，陳潔儀做番『阿鳳』最簡單，其實兩個女主角戲份好平均，再次同陳潔儀合作，更加冇困難。」

今次演員大部分是內地人，學友卻和他們合作愉快，還忙偷閒踢毽子增進感情。由於近日天氣轉變，學友患上感冒，流鼻水兼打噴嚏，頸膊均感痠痛，不過學友堅定地說：「我唔驚，到時一定唱得好，到呢一刻我都唔係好緊張，今次自己要兼顧好多，包括戲、走位、舞、歌詞，開始時都有擔心自己可唔可以應付，但到正式公演時，自己只做演員，絕對可以勝任，信心大。」

老狼老鳳續前緣

陳潔儀對再次獲邀演出「玉鳳」一角感到開心，更覺是一種緣分。她指和張學友再合作感覺很正，還笑言學友變了「老狼」，自己變了「老鳳」。

由於今次有五十位內地演員參與演出，大會特別頒發多個獎項以資獎勵，當中得獎者包括有主唱《煙花燙》（張國榮(新聞 - 網站 - 圖片)前經理人陳淑芬為紀念哥哥而作的歌曲）的黃敏豪、貌似劉德華(新聞 - 網站 - 圖片)的林奕衡及在今年連奪四個頒獎禮新人獎的周岭等。