發表者： 雙魚座 於 2004-09-21 08:58:37 (234 人閱讀過)

            將來愛女出外讀書　學友:死跟作伴
9月 21日 星期二 03:00 更新

【東方日報專訊】張學友在年底將展開《雪狼湖》國語版巡迴音樂劇演出，由於大部分時間身在外地，將會大大減少了時間陪伴家人，學友直言與女兒幾日不見面，個心會感到「囉囉攣」，為了工作，擔心都無辦法，但他否認錫女兒多過錫老婆，他說：「好多人都係咁諗，其實係錯覺，只因小朋友細個需要人保護，又可以街攬攬錫錫，但大人（老婆）就唔同，始終中國人唔會咁做，（咁老婆最初係咪都係咁諗？）佢依家都係。」


踢爆林珊珊跟蹤女兒

雖然學友的女兒剛過了四歲生日，但他坦言很緊張將來女兒識男朋友拍拖，有指他必定是嚴父，他說：「嚴都冇用。」接住學友踢爆林珊珊跟蹤女兒的笑料，他笑說：「我同珊珊傾開，佢話個女開始大同識男仔，佢就扮開明畀個女去街，然後偷偷跟蹤，做父母梗係擔心，我相信自己都會咁做，『詐諦』去度，最多坐遠，睇佢做乜嘛，我諗個女明白我係緊張關心佢。」學友的女兒目前在國際學校讀書，雖然他遺憾女兒不識講中文，但計畫將來會安排女兒到外國讀書，他說：「我打算到時陪佢過去，咁佢人生路不熟，要謹慎。」