發表者： 雨林 於 2004-04-03 16:28:15 (300 人閱讀過)

            東方日報專訊】張學友已經有三年沒有推出廣東大碟，對香港唱片業慘受翻版碟、非法下載的嚴重打擊，他都感到痛心，學友指出唱片業正面對生死存亡之秋；去到一個危險情況，更斥責那些在網上非法下載歌曲的行為可恥，認為政府應該正視問題，立例管制。



特首話「知道」

學友表示世界科技發達，但大家應善用科技資源，可惜香港的公民育意識不足，他說：「學生、年輕人非法網上下載，佢咁做係犯法，行為肉酸、可恥，呢唔係反叛，佢係傷害緊人。唔單係歌手，你問唱片公司炒幾多人？人個個都要養屋企，都要食飯，再咁樣落去，仲邊有人去做音樂！」

早前學友與一班電影工作者曾到禮賓府與特首董建華會面，學友愈講愈激動的說：「政府應該正視，立例去管制，咁大個政府，應該為市民解決問題，依家成個行業問題咁嚴重，佢應該去正視。」學友坦言有跟特首談到唱片業的困境，特首的反應是「知道」……學友說：「日主要係講電影。」

學友的新碟內十首歌曲全部由他親手創作，此舉是否為了救市？學友坦言：「一個人係無辦法改變到乜現象，但如果一個人都唔去做，咪更加冇希望，只係想畀大家知道係有誠意做音樂，如果係得鼓勵多歌手一齊做。」

自認唔識名流

此外，演藝人協會將於五月底舉行籌款晚會，有說大會邀學友做音樂總監，學友表示不知道，只知大會叫他聯絡歌手，他說：「演藝人協會都好窮，都好急需籌募經費，但我唔識得諗乜做，如果要搞籌款晚會，我又唔識名流同埋社會賢達，我個人人際網絡係好細，唔及曾志偉佢。」