53歲張學友唔怕老：唔同時間有唔同嘅靚！
53歲張學友唔怕老：唔同時間有唔同嘅靚！蘋果日報 時間: 0124 16:51
（攝影：陳慧安）(蘋果日報)
歌神張學友雖然左眼眼角膜發炎，但今日仍出席喺銅鑼灣舉行嘅伸手助人協會活動，引近百粉絲及途人圍觀，同場仲有岑日珈﹑Winkie和陳綺雯。原來學友已為呢個機構擔任咗17年大使，喺現場獲大會送上「回顧海報」，學友表示：「睇下我以前幾可愛。」
問佢驚唔驚老？現年五十三歲嘅學友笑言：「唔驚，0依家就驚，咁跟住嗰廿幾年咪好慘？唔同時間有唔同嘅靚，最緊要身體狀態好就會有charm。」
咁係咪即將領取長者卡？學友表示準備得嚟都差唔多，但佢就話冇諗過退休：「每個人行嘅路都唔同，好多人話唱到幾時就唱唔到，我想自己試下可以唱到幾時。」
學友直言要保持心態年輕，只在乎自己想唔想進步，但笑言會與年輕歌手保持距離：「我見勢頭唔對會行遠啲，自己行埋去好肉酸0架嘛。」
張學友表示唔怕老，仲話唔同時間有唔同嘅靚。
學友話要保持心態年輕。
學友為呢個機構擔任大使有17年喇﹗
頁:
[1]