張學友向女兒授性教育
張學友向女兒授性教育新報 2013-03-21
張學友昨日以嘉賓身份為now節目《輝哥的饌賞》錄影，談到近日本港發生的倫常案，已為人父親的學友就表示有留意，但就不敢即時講畀兩個女女知道：「等自己沉澱咗同埋分析哂件事先去講，驚自己講錯，令她們諗歪咗。」。問到學友與女兒的關係點樣？他即表示平日會主動與女兒傾偈：「以前我做嚴父，但家想改變做朋友，但係個女又唔係好接受，所以好難埋到身。」
教女兒保護自己
學友更表示大女已經12歲踏入青春期，自己會與太太分開向女兒灌輸性教育，學友就負責向女兒解釋男仔心態。問到他可擔心女兒拍拖？學友苦笑表示無得擔心：「但會教個女保護自己囉，我驚佢受到傷害嘛，(你傷害過人咩? ) 學友即開玩笑：「報應嚟嘅（傷害過幾多個？）傷幾多個都係報應。」學友又稱也有問過女兒，但她說未有鍾意的男同學。問到他是否呷醋外父？學友就沒有回答，但笑說:「希望個女拍拖會帶男友返嚟畀我過目，咁點都有個譜吖！(咁做你女個男友豈不是有很大壓力? ) 係㗎！因為我都係一個人之嘛。」開通的學友表示若女兒揀黑人做男友都不是問題，最重要是觀念正確及人品好。占士報道
http://www.hkdailynews.com.hk/images/21032013/21ea6.jpg
頁:
[1]