不介意霆鋒膺影帝 張學友: 冇諗過有份角逐→於 2011-04-20 08:49:08
發表者： jacky 於 2011-04-20 08:49:08 (364 人閱讀過)不介意霆鋒膺影帝 張學友: 冇諗過有份角逐
(2011年04月20日) AM730
《張學友1/2世紀演唱會》前晚完成第五場後，學友會休息兩日，至21日晚再繼續。大會前晚舉行切蛋糕儀式，出席的還有經理人陳淑芬及演唱會的動畫導演劉偉強，學友在接受記者訪問時表示，不介意被後輩謝霆鋒奪得金像獎最佳男主角獎，因為他根本沒有想過會有份角逐。
學友之前鼓勵朋友及歌迷以米代花，問到現在收到多少米時，他指出：「現時收到七千幾公斤米，呢啲米將送去聖雅各幫助有需要嘅人同家庭。」問學友預計米的最終數量有多少時，他稱：「冇去預計，其實有啲朋友同歌迷仍然有送花嚟，我覺得有呢個數目嘅米，已經好好，我兩個囡囡都有送米。」問學友兩個囡囡有否看他的演出，學友說：「佢哋已經睇咗，但係由於太夜嘅關係，佢哋未睇晒就走咗。」之後學友又自爆，囡囡第一次在上海看他的個唱，便問他為何被舒淇打了一巴掌，學友笑說：「我同佢哋講，做嘢冇計，唔係只係有得錫，錫完要俾人打。」學友坦言，連唱5場後感到有點累，他說：「因為之前巡迴係做一場休一場，或者做兩場就休息，不過呢次係連續做幾場。」談到在演出中做一字馬，學友稱：「都貼晒地！我個大女都做到，細女就未得。(難唔難？)成日拉筋就冇事，不過我練習嗰陣係冬天，冇做太多熱身，結果拉傷左腳。」
另外，學友憑《月滿軒尼詩》角逐影帝，不過最終落敗，問到可感失望，學友表示：「根本我都冇諗過會有份角逐，因為戲中嘅角色好平淡，有得入圍已經好意外。我都要恭喜霆鋒。(你有冇貼中賽果？)冇呀，因為冇心水，不過我有睇劉嘉玲，佢做得好好，因為好多人都話狄仁傑係男人戲。其實今年真係旗鼓相當。 (你會唔會以影帝為目標？)要俾心機先得，但係我就係唔夠俾心機，所以冇獎係應該嘅。」
http://www.am730.com.hk/uploads/newspaperarticles/130324217823895.jpg
http://www.am730.com.hk/uploads/newspaperarticles/130324217773855.jpg
頁:
[1]