張學友上台 鄭秀文不放人→於 2010-01-02 20:42:32
發表者： jacky 於 2010-01-02 20:42:32 (401 人閱讀過)張學友上台 鄭秀文不放人
--------------------------------------------------------------------------------
香港文匯報（網絡
【本報訊】（記者 寧寧）鄭秀文演唱會踏入第五場，前晚她請來不同公司的張學友做特別嘉賓，認真有面子。除了學友之外，梁詠琪及鍾鎮濤前晚也去捧場，梁詠琪於安歌部分更被拉上台合唱，雙方妙語連珠，令現場觀眾連番爆笑。
前晚當現場奏起《李香蘭》音樂時，全場即時哄動，學友戴了黑色眼鏡，穿西裝上台演唱，鄭秀文即說：「既然難得叫了學友來，大家又超興奮，最好不要讓學友走，其他嘉賓獨唱一首歌，學友要唱多些。（然後笑向學友說）你同我頂半個鐘啦，反正我今晚開始聲沙，我咁挑剔鍾意完美，聲沙真係驚驚地，哈！哈！不過依家我學識不完美中的完美……」
聽到鄭秀文說學會了不完美的完美，學友馬上讚她：「嘩，果然係高，層次唔同。」鄭秀文表示打電話給學友，對方二話不說就答應幫忙，學友就笑言自己這麼爽快答應做嘉賓，其實原因只有一個，就是想撲飛，因為做嘉賓才買到飛，不做就買不到。還說：「今晚都仲有朋友問我，買唔買到Sammi飛，我連自己來做嘉賓都唔敢話佢知，一陣佢問我拿飛，我都唔知點答人好。」最後學友在觀眾不肯放人之下，唱了《我真的受傷了》及《還是覺得你最好》兩首歌才離去。
梁詠琪不甘示弱「鬥嘴」
梁詠琪及鍾鎮濤前晚去捧場，在安歌部分鄭秀文拉梁詠琪上台：「嘩，妳咁鬼高，我著七吋高跟鞋都仲唔夠妳高，好彩我件衫有燈罩罩住妳……」然後又說：「梁詠琪係我好朋友，仲作過好多hit歌畀我唱，我地今晚合唱番其中一首啦。不過成日叫佢再作歌畀我，又唔作。」
梁詠琪說自己沒準備，鄭秀文即開玩笑：「咩冇準備，妳睇妳化晒妝，扮到咁行，仲話自己無準備，妳平日起身就已經係咁樣啦咩？」引得觀眾哈哈大笑，梁詠琪眼見對方咁放肆也不甘示弱反問鄭秀文：「我上來有冇手錶？有冇簽名box set送？哈！哈！」
與許志安「唔會返轉頭」
每晚於個唱中跟觀眾分享愛情觀的鄭秀文，聽到現場觀眾不停大叫安仔、安仔，鄭秀文就說：「哎，已經過去式啦，唔會返轉頭啦，咪叫來叫去都係一個名至得！報紙寫都好信匯。人地有女朋友啦，佢地可以開花結果，我都會戥佢地好開心，恭喜佢，講到咁明，大家明晒啦。」
看來狀態大勇的鄭秀文，其實開騷前兩日已經患上感冒，這五日來也是中西藥雙管齊下頂住，不過前晚終於覺得自己開始有點頂不住，聲音有點沙。
http://image.wenweipo.com/2009/12/30/en1230a.jpg
■張學友擔任演唱嘉賓，觀眾超興奮，鄭秀文笑言「最好不要讓學友走」。
頁:
[1]