學友矇查查接演《72家租客》→於 2009-11-12 20:22:55
發表者： jacky 於 2009-11-12 20:22:55 (370 人閱讀過)學友矇查查接演《72家租客》 佘詩曼身材升呢凸圍
成報主頁 > 娛樂 > 娛樂頭條 2009年11月12日 （星期四）
邵氏開拍《72家租客》昨日舉行開鏡儀式，演員張學友和袁詠儀均有出席。最矚目的莫過於佘詩曼「裝胸」穿旗袍的造型；而欣宜扮演當年肥姐的「上海婆」一角，簡直扮得入木三分。
＜採訪＞曉妍 ＜攝影＞史丹尼
為向《七十二家房客》這部經典電影致敬，邵氏開拍《72家租客》，這是一部講述由六七十年代至今香港人精神和香港情懷的電影。身兼監製、導演及演員的曾志偉昨日率領眾演員大合照，那張合照猶如當年邵逸夫爵士與旗下演員的大合照，只見張學友、袁詠儀、林峯、鍾嘉欣、馬德鐘、謝天華、黃宗澤、鄭欣宜等獲安排站在當眼位置前面，「裝胸」的佘詩曼更敞在車上。其後進行演員介紹及開鏡拜神儀式，志偉笑言，《Laughing Gor之變節》收1600萬票房，相信《72家租客》也能做到。
欣宜演「上海婆」興奮
志偉透露，六七十年代開始，並由飾演「上海婆」的欣宜首先開場，而黃宗澤飾演「年輕版張學友」，王祖藍飾演「年輕版曾志偉」，佘詩曼飾演「包租婆」。扮演「貪污局長」的盧大偉上台時險些仆倒，志偉即笑說：「仲想講你係仆X局長添！」到了現代，鍾嘉欣和黃宗澤會飾演學友和靚靚的子女，鍾嘉欣指出，自己在戲中會耍詠春。志偉笑她皆因平時多「耍仔」。學友表示仍未知道是演甚麼角色，志偉嘲對方是賤人，做回自己而已！擔綱說客的志偉更謂，學友原推掉這個工作，並說：「佢係廿四孝老竇，如果唔喺香港拍，學友就會推。」裝胸着旗袍的阿佘，她笑言，自己的身材「升咗幾呢」。談到她敞在車上，她笑說：「我受苦你唔知啫！架車好熱。」欣宜飾演「上海婆」，是當年肥姐扮演那個角色，欣宜說：「開心、興奮、但有少少失落，我返到屋企對住媽咪張相講，唔知好事定唔好事呢，沈殿霞得一個，不過志偉話效果好好，我開場嘅表情動作都係抄媽咪。」
談到《Laughing Gor之變節》的影帝級演員片酬較高，學友說：「我唔知，早知我都收貴啲啦！我收舊價咋，美金都貶值到咁，總之同以前一樣。」志偉則笑說：「係一口舊好貴嘅價。」靚靚笑言，起初知道有這對子女都顯得有點抗拒，但對整個故事感興趣，她謂，會在造型上下工夫，早前志偉更充當美指帶他們買衫，她笑說：「我好似自己嘅媽咪。」十多年前曾與學友合作《阿飛與阿基》，靚靚笑說：「學友話我同以前唔同，我咪同佢講人梗係會囂架啦，學友都無我咁好氣。」面對十部賀歲片，靚靚說：「無壓力，依家我以家庭為重，其次係事業，志偉都叫我玩吓！（其他賀歲片有周迅、吳君如、大S？）希望平分秋色，大家都好。」
1 2 3 >
頁:
[1]