學友認與兄長「無偈傾」→minimini 於 2007-03-16 16:54:24
發表者： minimini 於 2007-03-16 16:54:24 (341 人閱讀過)【本報訊】（記者 李思穎）張學友當年為嗜賭的兄長張學智還債而反目，及至最近父親喪禮上兩兄弟在靈堂碰頭，但見兩人沒有交談，關係仍僵，昨日學友到電台為唱片宣傳，對於與兄長關係以「又係咁」形容，更透露兄長仍有債務在身，堅稱不會為兄長還債，免得債主受到誤導，言語間可見兩人關係尚未修好。
學友坦言半年前已經見過哥哥，至於目前的關係如何？他說:「都係咁，之前報道無誇張，我瓊係無特別傾偈，唔知有什麼話題，一來少見，而且都唔知佢狀況點。」
重申絕不代還債
是否已原諒哥哥？「無話原唔原諒，我無資格原唔原諒原佢，剩係覺得每個人有自己選擇行的路，佢唔係細路仔 ，大家差不多都半百歲，做事要負責任，既然是自己選擇的路，不論屋企人或朋友也好，勸唔到都無法子，教唔到都無法子。（哥哥是否已痛改前非？）唔知道，佢辦完父親既喪事後又走了，以我所知佢仲有債務問題未解決。（還會繼續幫他嗎？）無得幫，經驗所得，如果幫只會發放錯的訊息畀借錢給他的人，我已經同媽咪商量過，爸爸生前都有商量過，決定不會幫他還債 。」
肥姐半年後可復工
回港後的學友，也有致電問候肥姐，學友透露肥姐無事，外間不要作出太多無謂的揣測，目前肥姐的進展情況穩定，今次返港主要是方便香港的醫生照顧得更好，加拿大始終不及香港方便。（會否去探望肥姐？）傳媒跟得咁貼，我唔想阻礙佢休息，醫生叫佢好好休息的話，半年後便可以復工。
http://image.wenweipo.com/2007/03/16/en0316a1.jpg
■張學友細說與兄長的關係，仍然無限感慨。
頁:
[1]