學友錫身唔再搵命博→於 2007-02-06 19:53:20
發表者： jacky 於 2007-02-06 19:53:20 (248 人閱讀過)學友錫身唔再搵命博 (2007-02-06 06:05:01)
【東方日報專訊】引頸企盼五年，亞洲天王張學友的世界巡迴演唱會即將揭幕，學友無意再破當年的百場紀錄，因為時勢已變，他笑說：「搵食，唔係搏命，錢係搵唔晒。」不過就自爆為了個唱變得好大食！
《學友光年世界巡迴演唱會07》將於農曆年初一（18號）在美國拉斯維加斯揭幕，並宣布學友的世界巡迴演唱會國際官方網站正式啟動。昨日學友一身金光閃閃出席記者會，吸引近百傳媒代表到場，負責製作學友的國際官方網站是黃霑兒子黃宇瀚，學友又找來好友葛民輝為其個唱設計連串紀念品。
香港站則於八月在紅館舉行，檔期排至八月已經有五十六場。學友在95—96年度舉行了一百場巡迴演唱會，問他可有計劃破紀錄？他說：「又冇喎，時特登為做一百場而做，好辛苦，依家唔同以前，一百場平均三日一場，幾乎三分二時間唔香港，我都要兼顧屋企。（賺錢喎！）搵食，唔係搏命，錢係搵唔完。」
義賣貴飛支持環保
忙於為個唱排練的學友，每日跳足十個鐘，並自爆變得好大食，他笑說：「唔食唔得冇力跳，晏晝要食兩個即食麵，肥番先可以瘦嘛。（操腹肌未？）我不嬲都有腹肌，唔係唔知呀！」學友透露每站演唱會都會捐出四張貴賓座位放上網作慈善拍賣，收益撥捐中國進行環保工作的非牟利團體，學友說：「我有細路仔，要為下一代小朋友想。」
此外，談到陳慧琳早前炮轟唱片公司未盡全力，跟陳慧琳同公司的學友說：「依家一間公司點幫得你咁多，公司都要睇住盤數去做，唔可以似以前洗腳唔抹腳，歌手真係靠自己。」
採訪：劉欣梅
http://news.sina.com.hk/news/2007-02-06/1164331.JPG
張學友在捐出的貴賓門票上親筆簽名作網上慈善拍賣。
頁:
[1]