學友Eason 棟篤笑掀高潮→於 2006-10-23 13:09:56
發表者： jacky 於 2006-10-23 13:09:56 (414 人閱讀過)學友Eason 棟篤笑掀高潮 (2006-10-23 05:05:00)
正東唱片慶祝成立10周年，前晚在紅館舉行「我至愛演唱會」，旗下歌手張學友、陳奕迅（Eason）、陳慧琳（Kelly）、陳小春等晒冷上陣外，就如剛離巢的許志安、還有校長譚詠麟（阿倫）都俾面捧場。Kelly以一姐身份打頭陣，學友與Eason合唱壓軸掀起全晚最高潮。
全體歌手開場演唱雜錦歌，演唱會進行大半仍未見學友出場，觀眾一直在期待，冷不提防在林苑演繹《我真的受傷了》後半部時，學友突然出現接捧唱畢整首歌，全場觀眾哄動；林苑緊張得跟學友說：「你係我童年時代偶像，今日合唱我終於夢想成真。」學友尷尬地說：「咁即係依家唔係啦！」
觀眾叫醒湊仔公
Eason上台即笑問學友：「呢個時間唔係應該覺咩？你（觀眾）一齊叫醒學友。」全場歡呼拍掌，學友笑說：「唔好咁大聲，我個女！」之後兩人開始棟篤笑，指他們一個是新藝寶、一個是上華，正東10周年跟他們有何關係？學友表示本想致電叫當年正東阿頭黃高（Paco）到來，但Paco醉了來不到。講到湊女經，學友自認是棟篤笑外最拿手的一環，Eason說：「我湊女經驗尚淺，你湊十幾年啦！」學友扮驚叫Eason不要爆他的秘密，然後兩人你一言我一語大講笑話。
享受經理人小康之家
除學友和阿倫外，其他歌手都有出席慶功宴。Eason和學友的合作最受歡迎，他笑說：「梗係，你當學友流，當佢唔係歌神？」雖然兩人談過合作開演唱會，但各有各忙，未來一年仍未能成事。另外，有雜誌報道Eason和經理人陳家瑛關係決裂，約滿後改由太太徐濠縈做經理人，他說：「到時到候就會有咁新聞，又想考我EQ！老婆咁瘦照顧個女已經好辛苦，做個女經理人已經夠，冇時間做其他。」他正式否認：「合約都未滿，根本冇咁事。我諗搵唔到一位好似陳家瑛咁好經理人，佢工作上安排得好好，我好享受呢種小康之家工作方式，我合作好愉快。」
http://news.sina.com.hk/news/2006-10-23/1145278.JPG
頁:
[1]