《雪狼湖》落幕 學友掀香檳戰→雙魚座 於 2005-04-22 09:44:43
發表者： 雙魚座 於 2005-04-22 09:44:43 (298 人閱讀過)《雪狼湖》落幕 學友掀香檳戰
4月 22日 星期五 03:00 更新
【東方日報專訊】一連六場的張學友音樂劇《雪狼湖》前晚閉幕，台上台下依依不捨，女主角許慧欣更激動落淚，學友率領一眾演員謝幕時，全場觀眾起立熱烈拍掌五分鐘。心情興奮的學友、許慧欣、陳潔儀、于毅（飾老狼及梁直）和杜鶴（飾小雪媽媽），開香檳慶祝時，更忘形互射，掀起一場香檳混戰，各人衣衫盡濕。
前晚捧場的嘉賓有許志安、方力申、楊千嬅、杜麗莎、胡楓等，而最後一場的女主角本是湯燦，但卻突然換上許慧欣，由於外間對湯燦演出有讚有彈，主辦機構負責人陳淑芬為免不必要揣測，主動解釋謂：「要特別多謝湯燦，今日本來係佢做，但前幾日拍片段做宣傳帶時，因機件故障今日一定要補拍，由於要連戲，惟有調許慧欣做。」
學友完騷後接受訪問，就說：「雖然今次未必可以好似九七年做四十幾場咁，但成件事整齊好多，畀我感覺係好，相對九七年只係場數滿足，但今次滿意好多，接近自己理想，有朋友睇完都話好好睇，好開心。」
或推出影碟
完成香港一站演出後，學友說將推出《雪狼湖》原聲大碟，是他和許慧欣的版本，因為兩人屬同一唱片公司：「之前大陸錄帶有問題，因為天氣太凍，聲震手震，想錄個最好版本，所以揀香港錄，尾場拍片都會收埋落去。」至於會否出VCD？學友說：「錄影，但未有決定，要睇個騷係咪繼續做落去，拍唔出將來都有個紀錄，以後就算我唔做，或冇人再做，都有一個紀錄，當然希望可以繼續做落去，但未有頭緒。」
http://hk.yimg.com/hk/providers/od/20050422/0422enew06b1.jpg"R"
頁:
[1]