學友魅力迷倒米妮老鼠～→龍堂 於 2004-09-24 12:41:52
發表者： 龍堂 於 2004-09-24 12:41:52 (177 人閱讀過)獲迪士尼樂園委為名譽大使
萬眾期待的香港迪士尼樂園將於明年底至後年初開幕，昨日迪士尼為睡公主城堡舉行平頂典禮，並邀請樂園名譽大使張學友與迪士尼高層及經典迪士尼卡通人物齊齊主禮平頂儀式，何鴻燊在何超鳳陪同下到場見證。
學友魅力果然非凡，米妮老鼠拋低多年感情米奇老鼠，全程陪伴學友左右，事後學友解釋米妮職責是帶領他走位。儀式前，迪士尼高層表示，廿年來從未看過最有趣環節，學友說：「完我就知點解，因為放煙花時我背向睇唔到，唯有返屋企睇電視。」
自認心急想樂園快落成
首次踏足香港迪士尼，學友特別挑選卡通圖案恤衫配搭，擔任名譽大使後，他對園內認識更深，並覺得興建迪士尼是將來歷史重要一環，不單止是娛樂，他說：「我有少少心急，好想樂園快落成。（開幕會否帶囡囡玩？）要同樂園私下安排，囡囡去過日本迪士尼兩次，我就威，多佢一次。（囡囡最鍾意乜卡通人物？）Winnie The Pool，因為最好人，所以我成日屋企扮好人。」稍後他將飛往美國錄製迪士尼宣傳片。
一己之力難改咪嘴情況
學友日前接受《茶煲裏的查篤撐》訪問，他自言於歌手、丈夫及父親身分上分別取得約80分，因為每個身分他都會盡力做好，他說：「如果可以話，我想係丈夫高分，因為老婆覺得我錫個女多。（會否再生？）如果生多個就唔可以偏心，就會增加負擔，暫時唔會諗。」近日不少歌手咪嘴，學友覺得有人應該自我檢討，他透露於最具影響力時曾想過改變，可惜一己之力有限。
自從於法國與某紅星合唱時，對方竟然咪嘴後，學友決定假如有類似情況便絕不接騷做。很久沒有出席演藝人協會會議，學友認為協會應該年輕化，例如成龍吩咐旗下藝人開會，但他們只出席一次，應及早找方法增加歸屬感。
許冠傑新公司力簽多位新人，問到學友會否效法？他說：「阿Sam冇得比，佢係廣東流行歌開創者。我做經理人就唔會，因為管理都唔叻。呢行好多人行錯路，有好材料但冇正確方向指示。」 成報
http://www.singpao.com/20040924/photos/m611639SP.jpg■原來米妮的職責只是帶領學友走位。
http://www.singpao.com/20040924/photos/m611640SP.jpg■米妮全程黐實學友，冷落了多年感情的米奇老鼠。
頁:
[1]