梁漢文盼阿倫學友幫手圓夢→雙魚座 於 2004-06-30 09:31:14
發表者： 雙魚座 於 2004-06-30 09:31:14 (224 人閱讀過)梁漢文盼阿倫學友幫手圓夢
6月 30日 星期三 03:00 更新
【東方日報專訊】「華星新秀歌唱比賽」出了不少歌星如今在樂壇也舉足輕重，大師姐梅艷芳一直有個心願，希望集齊歷屆的新秀舉辦一個華星新秀紀念演唱會，阿梅過身前曾秘密與梁漢文（Edmond）等人手籌備新秀紀念演唱會，但其後阿梅病情急轉直下惟有把計畫擱置；阿梅雖然未能親眼看到這個演唱會誕生，Edmond希望兩位樂壇阿哥兼阿梅的摯友譚詠麟、張學友能出手接力籌備這個演唱會，以圓阿梅這個心願。
現失去火車頭
Edmond說：「呢個係阿梅好偉大心願，亦係好多華星新秀夢想，阿梅過身前，曾親自聯絡各方面傾過好幾次，但阿梅過身後，我就好似失去火車頭，冇晒動力，唔知應該點樣搞，新秀面，我諗唔到邊個可以取替阿梅位置，繼續去發動搞呢個演唱會，本來黎明同張健都係合適人選，但佢兩個都咁忙，點搞！」
懷念相聚日子
Edmond表示梅姐過身後，他一直把阿梅這個心願放在心上，他與安仔、康仔等新秀都好想能圓阿梅這個未了心願，他說：「我諗好耐，我覺得譚詠麟同張學友係最佳人選，雖然佢兩個唔係新秀出身，但以學友同阿倫能力絕對勝任。」
他緬懷地說：「我一班新秀感情好好，以前有阿梅大師姐度，我一班新秀成日有聚會，好似個大家庭，阿梅成日引以為榮話華星新秀出身，無論落選或當選都好唱得，其實唔單止阿梅，好多華星新秀、樂迷都覺得值得搞紀念演唱會。」
頁:
[1]