張學友「吊頸」療傷笑言拍遺作→於 2004-03-14 11:43:56
發表者： jacky 於 2004-03-14 11:43:56 (422 人閱讀過)張學友「吊頸」療傷笑言拍遺作
學友熱 3月 14日 星期日 03:30 更新
(綜合報道)
(星島日報報道)張學友昨晚出席《江湖》煞科宴時，被志偉踢爆是在醫院裏斟掂他接拍這齣戲，學友透露由於頸部有軟骨凸起，故要到醫院做「吊頸」的物理治療來固定位置。問到他假若不接受治療會有何後果﹖學友謂﹕「要做手術取出一節軟骨囉﹗」
昨日《江湖》在淘大商場舉行醒獅點睛儀式，祈求該片票房理想，出席的演員包括劉德華、張學友、曾志偉、余文樂等，陳冠希則因為有工作在身未能出席。現場吸引了近千人圍觀，過百記者採訪，場面十分墟。完成點睛儀式後，演員便到昇悅漁港出席煞科宴。
煞科宴上，志偉踢爆找學友拍此片時是在醫院內，他笑謂﹕「當時係一個好機會，因為學友要做全身檢查，我問佢拍唔拍呢部戲，因為以後都唔知仲有冇機會拍﹗」身旁的學友聞言即笑說﹕「嘩﹗咩你講到好似我遺作咁﹗」其他演員聽罷學友這話後，紛紛謂﹕「大吉利是﹗」志偉又表示今次選定在淘大舉行煞科宴，是因為年前這裏爆發「沙士」，今次希望藉此告訴大家這裏已十分安全。
對於有報道指陳冠希在戲中將會有一場「人狗交」的戲，志偉直認不諱，不過他謂﹕「依家仲剪緊，都係意識上，唔會三級﹗(真係埋位拍定鏡頭就﹖)梗係鏡頭就啦﹗(Edsion係咪掙扎好耐﹖)係﹗」
另外，問到學友為何要入院身體檢查﹖他說﹕「其實係我條頸有舊患，有軟骨凸出，所以要入院『吊頸』，穩定番位置，因為舊患令到左手麻痺同影響到肌肉，依家都仲做緊物理治療。」
問到假若不接受治療，會有甚麼後果﹖學友坦言﹕「最嚴重要做手術取出一節軟骨囉﹗(後果會點﹖)咪會矮囉﹗」
提到他對兩本報道他和太太羅美薇婚姻亮紅燈，和偷拍May May做運動的雜誌提出控告，學友謂﹕「太太依家都如常做運動，囡囡亦可以返學，其實我大前提係唔想影響生活，(點解今次反應咁大﹖)大同細每人睇法都唔同，寫故然有問題，影響到生活又係另一個問題，依家已交由律師處理。(會唔會請保鏢﹖)冇用，又唔係打打殺殺。」
對於陳冠希在戲中有一場「人狗交」，學友坦言﹕「我知，不過唔知點拍，我都拍過被逼食屎、飲尿戲啦﹗都係一種表達手法，(你會否接拍『人狗交』﹖)合理就唔理咁多啦﹗」
http://hk.yimg.com/hk/providers/singtao/20040314/20040314fp01y.jpg
頁:
[1]